【馬路如虎口】工人姐姐踢人字拖抱住少主　跨路壆連過兩條馬路險象橫生

不少人為了貪方便，罔顧安全亂過馬路，但抱住小朋友就更加應該打醒十二分精神，注意交通安全，一名外傭於中秋佳節，被網友直擊拍下跨路壆危險亂過馬路，熟睡的男童跌了一隻鞋仔也懵然不知，遭網友怒轟：「呢個位好危險！」

最新影片推介：

前日(10日)，有男網友在facebook的「將軍澳主場」發帖，上載了一張外傭抱住一個年約5歲男童的相片同一條18秒的短片，樓主直擊了外傭的失當行為，並表示：「呢個工人姐姐咁樣帶個細路橫過馬路真係好危險，希望推到父母睇到！」

當日傍晚約6時30分，樓主於將軍澳廣場附近的巴士站發現踢人字拖的外傭及男童，樓主指外傭被巴士擋著視線，曾試過行出去探頭，然後見到有車迎面來便縮返入巴士站，之後在將軍澳廣場同寶盈花園交界馬路，樓主又見到該外傭抱住男童跨路壆連過兩條馬路，過對面的怡明邨，

呢個工人姐姐咁樣帶個細路橫過馬路真係好危險，希望推到父母睇到（仲要跌埋隻鞋仔)

外傭抱著熟睡的男童，顯得有點乏力，兩人先過一條馬路，穿著人字拖的外傭再跨上約兩呎高的路壆，期間男童被路壆上的植物弄跌了一隻鞋仔，外傭當然未有察覺，只向著前方再過另一條馬路，務求盡快步入怡明邨。

貼文一出，外傭罔顧安全的行為，遭網友炮轟，紛紛直呼「太危險了」、「咁都夠膽！」，有網友表示夜晚揸車先恐怖，「尤其是啲人著住黑色衫，企喺個花槽(路壆)度準備衝過馬路過怡明邨，去到呢個位真係小心」、「呢個位好危險， 因為草叢會阻擋視線，特別係夜晚。我自己揸車經過這位置，都一定收慢再望清楚有無人先去。」，也有網友指，「呢個位好多孝子孝女，好爸爸同好媽媽日日係咁過，跟本應該中間再加欄桿分隔杜絕啲人係咁過。」其實外傭抱住小朋友不應該冒險，應該行遠少少有紅綠燈才好過馬路。

點撃下圖，即睇留言

▼點擊圖片放大

+11

+10

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級，TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」，更多教育升學資訊︰https://bit.ly/3a6HT6T

責任編輯︰王明芳